|
Hekovepotyjeráva'ekue yvytyrokái Ita Angu´apokôiha mbja´otavapy Lúkepegua, mokôipa jasypoapy su porundysa poteîpa mbohapýpe. Poapyha, karai Amalio Gilberto Pérez Gómez (+) ha kuñakarai Dina Alberta Truquín Jara ñemoñare, pateî joyke´y apytégui. Oipovâ hekove Lila Miranda González ndive ha ipotykuru ijoajukuéragui mokôi itajuku´i Lila Pamela ha Arturo Ariel hekovasânguéra . Talore oipyaha ñepyrû arandu rape mbo´ehao Gral. Eugenio A. Garay itavapy Ita Angu´ape ha omohû´a kuri mbo´ehao José Pedro Varela oîva petêiha mboja´o Hugua de Sédape. Voi guive otytýi kyry^iasy iñe´â ha iñapytu´ûkuápe ñe´ê porâ ñemombeko ha oñepyrûmavoi katu omoapesâ ñe´êpoty ñe´êporâvopyre rupive mokôive ñane retâ ñe´ême, upévare ha´e oî umi ñe´êpapára arandupy ñe´êkôimegua apytépe.
Omohu´â rire iñarandupy poteîha mbo´esyrypegua ary 1983-pe, ityke´yra pehêngue ypykue ogueraha ichupe yvytu ha arandu pyahu rekávo tetâ Argentina tavapy Buenos Aires jaíre. Universidad de Buenos Aires (UBA)-pe omoñepyrû iñarandu ha pukumi rirénte oñuvâ hekovépe pitikiri´î mba´asy itaku´i ñembyatypy, oheja mbo´ehaovusu ha oiko peteî ary pukukue javeve tasyo hérava Parmenio Piñeiro-pe, ha upépe ohapo´o rire chupe ipitikiri´î asúpegua osê jey tasyógui omoñepyrû pyahu hagûa hekove. Ojevy kuri hetâme paro´yho porundypa oñepyrûvo ha oiko rire omboguyguy opáichagua tembiapo, peteî asajeaku tini jave ogueraha ichupe ityke´yra Porfirio mbo´ehao IDEGUALP Lúkepeguápe omoñepyrû hag^ua hekombo´epy mbo´ehára Guaranirâ. Péicha oñepyrû jey Guarani iñe´êypy rape ha oñeha´â hese ko´ê ko´êre jahechápa ndahokypu mbaretevéi Paraguái ñemoñare rekorechaukaha. Ko´ânga TALORE ha´e mbo´ehára katupyry rekohupytyse térâ ha´angaséva opavavégui.
Tekomarangatúpe omosarambi kuaaita mbyatypyre mitânguéra apytépe pokôi mbo´ehao Lúkepeguape Guarani Ñe´ê ha Iñe´êporâhaipyre rupive Educación Escolar Básica okêndápe. Avei ohekombo´e mbo´ehararâme Instituto de Linguistica Guarani del Paraguay ( IDELGUAP) Lúkeguápe peteîha, mokôiha, ha mbohapyha mbo´esyrýpe Ñe´êporâhaipyre Guarani ha Guaranime, avei Lengua Guarani. Hembiapokuéraita apytépe jajuhu: Ko´êti Ñu Rembe´ype, Kuña Sapara, Guarani Ñe´ê Vusu, Mbo´ehára Dora Nilsepe ^guarâ, Che Táva Lúke, Che Irûrâ Rejuva´ekue, Mymbami Saite, ha oîve. España ñe´ême ohaipyre: Corazón de POeta, Sueños, Recuerdos, Soledad, Agosto Cinco, Agosto Veinte, La Cúspide, Preludio Estival, Octubre Doce, Invierno Gris, He aho Primavera, Febrero Diez y ocho, y más. TALORE ha´e ñe´êpapára ohayhu añete ha ogueroayvúva hetâ Paraguái, hembikuaa, ikuaapy ha iñe´êkôi jajái yvóra javeve hupyty ha ijojaha´^yva. Ombo´e avei Ateneo de Lengua y Cultura Guarani Regional Lúkeguápe Mbo´epy: Ñe´êkuaambo´e Guaraniha Cultura Guarani.
OBRAS (Disponibles en Guarani Raity (0) pgs......................
|
(00595-21) 
(00595) 
